کاردانەوەی بەرپرسان و ڕەوتە سیاسییەکانی ناوچەکە و جیهان بە هەواڵی شەهادەتی ڕێبەری ئێران

بە پێی ڕاپۆرتی ئاژانسی هەواڵی مێهر، نووسینگەی سیاسی بزووتنەوەی ئەنسارڵای یەمەن بەیاننامەیەکی بڵاوکردەوە و سەرەخۆشی لە نەتەوە و حکوومەتی ئێران و ئومەتی ئیسلامی بە بۆنەی شەهیدبوونی ئایەتوڵڵا خامنەیی دەربڕی.

لە ڕاگەیەندراوەکەدا هاتووە، بە بۆنەی شەهیدبوونی ئیمام سەید عەلی خامنەیی، ڕێبەری ستەملێکراوانی جیهان کە لە دۆزی قودسدا شەهید بوو، سەرەخۆشی خۆمان ئاراستەی نەتەوە و حکوومەتی ئێران و ئومەتی ئیسلامی دەکەین. ئیمام خامنەیی هێمای فیداکاری بوو کە بە درێژایی ڕێبازی جیهادی خۆی لە شەڕی دژ بە خراپەکاری و چەوساندنەوە، بە ڕێبەرایەتی ئەمریکا، هەرگیز نەوستا.

خۆپیشاندان لە دەوروبەری باڵیۆزخانەی ئەمریکا لە بەغدا

دوای خۆپیشاندانی خەڵک لە بەغدا، عێراقییەکان بەرەو باڵیۆزخانەی ئەمریکا لە بەغدا ڕێپێوانیان کرد و لەگەڵ هێزە ئەمنییەکان تێکهەڵچوون.

عێراقییەکان تووڕەن و لە میانی خۆپیشاندانەکەدا لە بەغدا هەوڵیاندا هێرش بکەنە سەر ناوچەی سەوزی شارەکە کە باڵیۆزخانەی ئەمریکای لێیە.

ڕاپۆرتەکان ئاماژە بەوە دەکەن کە خۆپیشاندەرانی عێراق لەوان خەڵک و گرووپەکانی بەرخۆدان کە تووڕەن لە تیرۆرکردنی ئایەتوڵڵا خامنەیی ڕێبەری باڵای شۆڕشی ئیسلامی لە ئێران، هەوڵی چوونە ناو ناوچەی سەوز لە ناوەڕاستی بەغدا دەدەن.

هەروەها پارێزگا جۆربەجۆرەکانی عێراق هەر لە یەکەم کاتژمێری هەواڵی شەهیدبوونی ئایەتوڵڵا خامنەیی ماتەمینی گشتییان ڕاگەیاند و ئەمڕۆ یەکشەممەیان وەک پشووی فەرمی ڕاگەیاند.

هەریەک لە پارێزگاکانی کەربەلا، نەجەف، بەسرە، میسان، واست، دیوانیە و موتەننا لەو پارێزگایانەن کە تا ئێستا ئەمڕۆ یەکشەممەیان وەک پشووی فەرمی ڕاگەیاندووە.

عەمار حەکیم: شەهید ئایەتوڵڵا خامنەیی هێمای سەبووری و کۆڵنەدان بوو

سەید عەمار حەکیم، ڕێبەری ڕەوتی حیکمەتی نیشتمانیی عێراق لە بەیاننامەیەکدا سەبارەت بە شەهیدبوونی ئایەتوڵڵا خامنەیی، ڕێبەری کۆماری ئیسلامی ئێران ڕایگەیاند: بە دڵێکی پڕ لە خەم و بە ڕەزامەندی بە قەدەر و چارەنووسی ئیلاهی، سەرەخۆشی خۆمان ئاراستەی نەتەوەی ئیسلامی ئێران و ئەویندار و خوازیارانی حەقیقەت لە سەرانسەری جیهان دەکەین بە بۆنەی شەهادەتی پیرۆزی ئایەتوڵڵای گەورە، موجاهیدی گەورە، ئیمام سەید عەلی خامنەیی.

چوارچێوەی هەماهەنگی: خوێنی ئیمام خامنەیی دەبێتە چرای ڕووناکی لە بەرەنگاربوونەوەی ستەمدا

چوارچێوەی هەماهەنگیی عێراق لە کاتژمێرەکانی سەرلەبەیانی ئەمڕۆ بەیاننامەیەکی بڵاوکردەوە و هاوخەمی بۆ شەهیدبوونی ئایەتوڵا سەید عەلی خامنەیی ڕێبەری باڵای ئینقلابی ئیسلامی دەربڕی و جەختی لەوە کردەوە کە خوێنی ئەو شەهیدە دەبێتە چرای ڕووناکی و هاوارێکی بەردەوام دژ بە ستەم بۆ هەموو نەوەکان.